Ф1: Розберг нов шампион
Германецот Нико Розберг е новиот шампион во формула 1. Тој е вкупно 33.ти првак во овој спорт. Розберг (возач на Мерцедес) на последната трка што се возеше на патеката „Јас Марина“ го издржа притисокот од страна на Луис Хамилтон и го освои второто место што му беше доволно за да ја освои титулата. Нико Розберг постигна девет победи во 2016 година.
На последната трка победи Луис Хамилтон (Мерцедес), пред Розберг, додека на третото место заврши возачот на Ферари Себастијан Фетел.
Во последните кругови Хамилтон за „забавуваше“ трка со цел конкурентите на Розберг за второт место да го минат, но Розберг успеа да го задржи второто место кое го имаше од стартот на трката.
Нико Розберг стана трет Германец со титулата светски првак, по Михаел Шумахер и Себастијан Фетел. Шампионска титула има освоено и неговиот татко како Кеке, но како Финец. Две титули има и семејството Хил, Британците Греем и Дејмон.
Генерален пласман: Нико Розберг 385 бодови, Луис Хамилтон 380, Даниел Рикардо 256, Себастијан Фетел 212, Макс Верстапен 204,..
Пласман на конструктори: Мерцедес 765, Ред Бул 468, Ферари 398,...
Следната сезона во Ф1 шампионатот ќе почне на 26.март со трката во Мелбурн за Големата награда на Австралија.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава