Европска награда за проект на пет лица од Психијатриската болница во Демир Хисар
Фото приказната „Многу луѓе-многу погледи“ изработена од пет лица од Психијатриската болница во Демир Хисар е избрана меѓу десетте најуспешни проекти на годинешните Европски денови на културно наследство.
Проектот, во конкуренција од 87 номинирани трудови посветени на европското културно наследство, е меѓу десетте приказни што беа презентирани во зградата на Советот на Европа во Стразбур, пред специјалната комисија и националните координатори на Европските денови на културното наследство.
Приказната го претставува македонското културно наследство, конкретно културно-историските богатства на Охрид, изработена од Центарот за креативни индустрии – НЕВО од селото Суводол, а доловено преку фото-објективот на маргинална група лица од Психијатриска болница во Демир Хисар.
Наградата за најдобрите стории предвидува финансиска поддршка од страна на ЕУ, за проект што ќе се релизира наредниот период, а предвидува работилница по аналогна и дигитална фотографија, тридневно патување во Охрид и работилница по цртање и креативно изразување. Завршната активност и сработениот материјал ќе бидат презентирани пред јавноста на три изложби во Демир Хисар, Скопје и Охрид.
Од Центарот за креативни индустрии се уверени дека проектот ќе придонесе за поголема инклузија на тие лица во социјалниот и културниот живот на заедницата, и ќе ги поттикнат психијатриските установи во земјава да почнат поголеми активности и да го искористат креативниот потенцијал на таа категорија лица
Ново на Сител
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички