Европска лига: Шест победи за македонските одбојкари
Македонските одбојкари со шест победи од шест натпревари го освоија првото место во групата А од Европската лига и со максимален учинок го потврдија пласманот на завршниот турнир на 1 и 2.јули во Варна. Македонија како прва, аБугарија како домаќин се пласираа на завршниот турнир.
Македонија вечерва ја победи Бугарија со 3-1 (18:25; 25:21; 25:23; 27:25). Македонија е прва во групата со скор 6-0 (победи-порази), пред Бугарија со 4-2, Данска има 2-4, а Албанија 0-6.
Првиот сет вечерва им припадна на бугарските одбојкари, а потоа Македонија ги доби следните два со одлична игра со што беше исполнет условот да се освојат два сета за првото место во групата. Во овие сетови предводник на нашиот тим беше капитенот Никола Ѓорѓиев.
Во четвртиот сет селекторот Жарко Ристоски им даде шанса и на играчите од клупата, а првата постава остана на клупа. Своите минути ги искористија и најмладите Наков, Николовски и Илиев.
Во вториот дуел од групата Данска ја победи Албанија со 3-0.
Македонските одбојкари до вторник ќе имаат слободни денови, а потоа ќе продолжат подготовките за завршниот турнир и воедно ќе биде познат противникот од другата група каде прва е Естонија, а на второто место е Австрија.
Ново на Сител
-
Уапсено лице од Дебрца, возел со 2,21 промили алкохол во крвта
-
Николоски: Брза пруга на Коридор 10, доизградба на Коридор 8, продолжуваме со крупни проекти во железницата
-
Трамп наредил напади врз Внецуела
-
Димовски: Уставните измени се последната отстапка што Македонија може да ја направи, но само ако добие гаранција од ЕУ
-
Експлозии во Каракас, забележани и авиони во низок лет - Мадуро прогласи вонредна состојба
-
Најстудено во Струмица, најмногу дожд во Лазарополе
-
Четири лица загинаа во хеликоптерска несреќа во Аризона
-
Идентификувани 113 повредени во пожарот во Кран-Монтана, меѓу нив и од Србија и БиХ
