Европска лига: Шест победи за македонските одбојкари
Македонските одбојкари со шест победи од шест натпревари го освоија првото место во групата А од Европската лига и со максимален учинок го потврдија пласманот на завршниот турнир на 1 и 2.јули во Варна. Македонија како прва, аБугарија како домаќин се пласираа на завршниот турнир.
Македонија вечерва ја победи Бугарија со 3-1 (18:25; 25:21; 25:23; 27:25). Македонија е прва во групата со скор 6-0 (победи-порази), пред Бугарија со 4-2, Данска има 2-4, а Албанија 0-6.
Првиот сет вечерва им припадна на бугарските одбојкари, а потоа Македонија ги доби следните два со одлична игра со што беше исполнет условот да се освојат два сета за првото место во групата. Во овие сетови предводник на нашиот тим беше капитенот Никола Ѓорѓиев.
Во четвртиот сет селекторот Жарко Ристоски им даде шанса и на играчите од клупата, а првата постава остана на клупа. Своите минути ги искористија и најмладите Наков, Николовски и Илиев.
Во вториот дуел од групата Данска ја победи Албанија со 3-0.
Македонските одбојкари до вторник ќе имаат слободни денови, а потоа ќе продолжат подготовките за завршниот турнир и воедно ќе биде познат противникот од другата група каде прва е Естонија, а на второто место е Австрија.
Ново на Сител
-
Тема на денот со Александар Николоски, потпретседател на ВМРО-ДПМНЕ и вицепремиер
-
Ахмети ќе присуствува на лидерската средба
-
Утре на пладне лидерска средба, само Филипче писмено го одбил Мицкоски
-
Во притвор заврши лицето кое ја оштети вратата на бугарската амбасада во Скопје
-
Судски совет распиша оглас за избор на уставен судија, одлуката на Управен суд била преседан
-
Саит Саитов кој со „пасат“ усмрти жена кај Капиштец претходно бил казнуван за управување возило без возачка дозвола
-
Угостителите не кажуваат какви забелешки имаат за новиот закон за заштита од пушење
-
Опструкции и влошени пневмонии ја наполнија клиниката Козле – Дневно над 250 прегледи
