ЕУ со повик до мигрантите од балканската рута да користат бесплатни авиони до земјите за азил

Европската унија има намера да ги повика бегалците да чекаат во Грција за бесплатни билети за авион до други држави кои им даваат прибежиште наместо да преземат ризик да минуваат низ Балканот во текот на зимата. Тоа го најавауваат извори од Унијата на кои се повикуваат западни медиуми.

Тие ветуваат брза акција за прифаќање на вчерашните договори на балканските лидери за контрола врз мигрантскиот бран од Турција кон Германија.

Изворите од ЕУ признаваат дека нема да прекине бранот луѓе кои бараат азил.

– Идејата е исто да го убедиме сирискиот татко да остане во Грција со семејството додека бидат преместени, вели еден од изворите. – Бесплатниот лет до безбедна држава ќе биде многу подобра можност од несигурните минувања на север, наведе тој.