ЕУ ќе избира меѓу пет можни насоки за развој без Велика Британија
Европската комисија денеска претстави пет можни насоки, по кои ќе се развива ЕУ без Велика Британија.
Извештајот, насловен како „Бела книга“, ги анализира можностите за опстојување на ЕУ. Целта на извештајот е јавноста во ЕУ да учествува во изборот на најдобриот предлог за неа и да ја изрази својата волја на изборите за идниот Европски парламент во 2019 година.
Првата можност е Унијата да продолжи да постои како досега. Втората е од ЕУ да остане само заедничкиот пазар, без слободата на движење да биде целосно заштитена. Третата можност е т.н. ЕУ на неколку брзини - секоја држава да процени во која од заедничките политики да учествува. Четвртата е Унијата да одговара за помалку работи, но поефективно, а последната, петта, е целосна федерализација.
Во документот од триесетина страници претседателот на ЕК, Жан Клод Јункер ги наведува позитивните и негативните страни на секоја од овие можности. Сите пет идни патишта предвидуваат зачувување на заедничката европска валута.
Јункер очекува предлозите да бидат ставени на детални јавни разгледувања во ЕУ со учество на невладини организации и претставници од властите и политичките партии.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО