ЕУ ѝ се закани на Турција
Лидерите на ЕУ денеска се согласија да воведат санкции за околу 40 лица од Белорусија, откако Кипар го повлече спротивставувањето, поради барањата Унијата да ја казни Турција во врска со тензиите во источниот Медитеран.
„Имавме двојна стратегија“, рече претседателот на Европскиот совет, Чарлс Мишел на прес-конференција по првиот ден од самитот, кој заврши по полноќ.
„Изјавуваме дека сакаме да дадеме шанса за политички дијалог. Од друга страна, ја изразуваме нашата цврстина за нашите вредности и поддршка на Грција и Кипар. Подготвени сме да се вклучиме во позитивна програма со Турција, под услов Турција да сака да учествува во попозитивна програма со нас”, рече Мишел.
Претседателката на Европската комисија, Урсула фон дер Лајен, по состанокот на лидерите на 27 земји членки изјави дека ЕУ може да воведе санкции против Анкара доколку турските провокации и притисоци продолжат на истокот на Средоземното море.
„Ние сакаме позитивен и конструктивен однос со Турција, a ова исто така би било во интерес и на Анкара“, рече таа на прес-конференција.
„Но, тоа ќе успее само ако провокациите и притисоците запрат. Затоа, очекуваме од сега Турција да се воздржи од еднострани активности. Во рамки на ваквите обновени акции од Анкара, ЕУ ќе ги искористи сите свои расположливи инструменти и можности”, додаде таа.
Германската канцеларка Ангела Меркел и францускиот претседател Емануел Макрон по пристигнувањето на самитот изјавија дека мора да се најде дипломатско решение за спорот меѓу Турција, Грција и Кипар.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице