ЕУ го осуди насилството во косовскиот Парламент
Канцеларијата на ЕУ, специјалниот претставник на Унијата на Косово, амбасадите и канцелариите на државите членки на ЕУ заеднички го осудија насилството што денеска се случи во косовскиот Парламент, оценувајќи го како неприфатливо, пренесе Танјуг.
„ Ја осудуваме денешната акција на опозицијата во собранието и апелираме до нив да ги почитуваат основните принципи на демократијата и да овозможат слободна и отворена дебата во Парламентот за сите прашања во врска со Косово“, се наведува во заедничкото соопштение на Канцеларијата на ЕУ на Косово, специјалниот претставник на ЕУ и амбасадите, односно канцелариите на државите членки на ЕУ на Косово.
Насилните акции, како денешната во собранието, се за жалење, се наведува во соопштението и се додава дека секој има слобода да го изрази своето мислење и да ја брани својата позиција, но дека употребата на насилство е неприфатлива.
„Тоа не решава ниту еден проблем на Косово, туку само ги зголемува“, истакнуваат официјалните претставници од земјите членки на ЕУ.
Претходно насилството во Парламентот го осудија и Мисијата на ОБСЕ на Косово и американската амбасада во Приштина.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228