ЕСА: Зголемена опасност од судири во Земјината Орбита
Бројот сателитски мрежи во Земјината Орбита е во голем пораст, зголемувајќи ја опасноста од судири што може да резултираат со верижни оштетувања и огромна штета, предупреди Европската вселенска агенција (ЕСА).
Според Агенцијата, во мигов има околу 8.800 активни сателити во Орбитата. Најголемиот оператор засега е „Спејс-Икс“, којшто има повеќе од 5.000 „Старлинк“ сателити во Вселената, со планирани вкупно 42.000 уреди во иднина. И други компании од САД, како што е „Уан веб“, британски „Блу ориџин“ итн., па и оние од Кина - планираат десетици илјади нови сателити, коишто обично тежат меѓу 150 и 1.200 килограми.
Јозеф Ашбахер, генерален директор на ЕСА, на конференција во Берлин говореше за ризиците и порача дека мора да се спроведе глобално применлив закон за вселенскиот сообраќај.
- Постојано се додаваат нови „играчи“. Затоа ни се потребни сигурни сообраќајни правила за Вселената, каде што во секоја дадена состојба ќе биде јасно кој треба да преземе свртувања, заобиколувања или движења и кој како да се однесува... ЕСА си постави за цел драстично да го ограничи создавањето вселенски отпад до 2030 година. Секој сателит што потоа ќе биде испратен во вселената мора да биде отстранет од орбитата на крајот од својот предвиден рок на треање, објасни шефот на ЕСА.
Кинеското проблематично справување со деактивиран метеоролошки сателит во 2007 година, на пр., покажа колку може да биде разорно влијанието на вселенскиот отпад. Според проценките, само од Кина потекнуваат повеќе од 40.000 парчиња отпад со ширина поголема од еден сантиметар. Скоро секој втор маневар за избегнување судир во Вселената, според ЕСА, се должи на такви залутани парчиња.
Ново на Сител
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза