Ерменија втор противник на младите македонски кошаркари

Младинската кошаркарска репрезентација на Македонија (играчи до 20 години) денеска го игра вториот натпревар од Европското првенство „Б“ дивизија, а ривал и е селекцијата на Ерменија. Почетокот на натпреварот е во 13:30 часот.

Двете селекции во првото коло остварија победи. Македонија ја совлада Белорусија со 77:72, а Ерменија беше поуспешна од Швајцарија со 71:57. Со евентуален триумф нашите кошаркари ќе имаат шанса да се борат за пласман од 1 – 8 место на шампионатот.

Во вториот натпревар од групата Ц играат Швајцарија – Белорусија.

Табела група А: Финска 2 бода, Австрија 2, Романија 1, Холандија 1.

Табела група Б: Црна Гора 4, Луксембург 3, Португалија 3, Косово 1, Грузија 1.

Табела група Ц: Ерменија 2, Македонија 2, Белорусија 1, Швајцарија 1.

Табела група Д: Шведска 4, Унгарија 3, Словачка 3, Албанија 1, Молдавија 1.