Ердоган: ПКК никогаш нема да биде партнер во мировните преговори

Турција никогаш повторно нема да ја прифати Курдската работничка партија (ПКК) како партнер во мировните преговори, изјави денеса турскиот претседател Реџеп Таип Ердоган во момент на зајакнување на насилството во југоисточниот дел на земјата, кој е населен претежно од Курди.

Мировните преговори меѓу ПКК  и Турција беа прекинати минатата година, а двегодишното примирје исто така е прекинато, што доведе до обновување на насилството, во кое се убиени стотици лица. 

- Во процесот, кој ќе следи ниту сепаратистичката терористичка организација, ниту партијата под нејзина контрола или други структури некогаш ќе бидат партнери. Таа работа заврши, рече Ердоган. а