ЕП 2015: Порази на Русија и Литванија

Кошаркарската репрезентација на Белгија го направи првото големо изнендување на Европското првенство, откако во првитот натпревар од Д групата, во Рига, славеа над Литванија со 76:74. Во првиот меч од третата рунда во А групата, во Монпелје, Русија го забележа и третиот пораз. Русите загубија од Финска со 79:81.

 

Воведните мечеви од третото коло во А и Д групите донесоа инфаркт завршници, Белгија славеше над Литванија со кошот на Лоџески постигнат со звукот на сирената, додека Копонен ѝ донесе победа на Финска со поените постигнати на три секунди до крајот на мечот.

 

Литванија против Белгија при нерешен резултат 74:74 го имаше последниот напад, но Калниетис не погоди тројка на пет секунди до крајот. Ван Росом, потоа повлече контра на Белгија, успеа да шутира но не и да погоди, а одбиената топка во кошот ја спроведе Лоџески.

 

Кошот на бекот на Олимпјакос беше признат дури откако судиите ја прегледаа забавената снимка.

 

Лоџески со 20 поени беше најефикасниот во таборот на Белгија, додека Валнчиунас со двоен ефект од 25 поени и 12 скокови ја предводеше Литванија.

 

Слична завршница имаше и мечот меѓу Русија и Финска. Копонен погоди за два поена на три секунди до крајот и го поставо конечниот резултат 81:79. Русите го имаа последниот напад но Фридзон не успеа да погоди тројка.

 

Инаку Русите во последните две минути и 42 секунди влегоа со предност од 79:78, но до крајот на мечот не постигнаа ниту еден кош. 

 

Марфи со 19 и Салин со 16 поени беа најефикасни во финската селекција, додека Фридзон кај Русија постигна 20 поени.