Експертите бараат од СЗО нова истрага за потеклото на Ковид-19
Група од 26 експерти упати писмо до Светска здравствена организација (СЗО) со кое бара нова истрага за пандемијата со Ковид-19 откако, како што наведуваат, досегашната истрага не исклучила ниту една теорија за настанокот на вирусот.
Еден од авторите на писмото, Николај Петровски од австралискиот Универзитет Флиндерс во Аделаида, истакна дека и покрај истрагата на СЗО во Кина во јануари светот нема повеќе сознанија за потеклото на Ковид-19 отколку пред една година.
Во писмото експертите наведуваат и дека мисијата на СЗО немала мандат, независност или соодветен пристап за спроведување на целосна и неограничена истрага на сите теории.
– Сите можности и понатаму се на маса и уште не сум видел ниту еден независен научен податок што исклучува која било од нивв, посочи Петровски.
Во јануари тим научници избрани од СЗО ги посети болниците и истражувачките институти во кинескиот град Вухан, каде првпат беше идентификуван Ковид-19. Научниците беа криикувани дека премногу се потпираат на кинеските податоци, а дел од научниците изјавија дека Кина не сакала да ги сподели клучните податоци кои би укажале дека Ковид-19 циркулирал месеци пред да биде препознаен.
Ново на Сител
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња
-
Турција: Офанзивата во Рафа е уште едно воено злосторство на Израел
-
Германија поради европското фудбалско првенство воведува контроли на сите граници
-
Курти: Србија пропагира за насилство врз Србите во Косово, а фактите го кажуваат спротивното