Експериментален концерт во Лајпциг

Во германскиот град Лајпциг вечерва ќе биде спроведен необичен експериментален концерт, од кој научниците ќе дојдат до сознанија како се однесува публиката и колкав е ризикот од ширење на Ковид-19 на големи собири.

На експерименталниoт концерт ќе настапи германскиот поп пејач Тим Бенџко, а научниците од Универзитетската болница во Хале треба да утврдат дали треба да се дозволи голем број луѓе во концертните сали и на фудбалските стадиони за време на пандемијата со Ковид-19.

– Сакаме да утврдиме колкав е бројот на контакти помеѓу посетителите на концертите, изјави раководителот на студијата Стефан Мориц.

Публиката на концерот ќе има уреди кои ќе овозможат следење на нивните контакти, додека сензори на кровот на салата ќе собираат и евидентираат податоци за движењето на посетителите.

Сите во публика ќе имаат флоресцентно дезинфекциско средство, а по концертот, со помош на УВ лампа ќе се утврди кои површини силно светат, што ќе значи дека посетителите многу често се допирале.

Резултатите од студијата се очекуваат во октомври.