Екипите на Град Скопје интензивно работат на расчистување на снегот
Екипите на зимската служба на Град Скопје интензивно работат на терен на расчистување на снегот од коловозите и од тротоарите на градските улици и булевари.
Како што информираат од Град Скопје, за чистење на тротоарите на улиците и булеварите, како и на плоштадите и јавните површини, ангажирани се 158 работници од ЈП „Комунална хигиена“ кои се на терен во три смени со луѓе и со механизација.
Расчистувањето се врши на плоштадите „Македонија“, „Пела“ и „ВМРО“, се расчистува Старата Скопска Чаршија, како и пешачките патеки и тротоарите на мостовите „Гоце Делчев“, „Око“, „Слобода“, Камениот Мост, Мостот на уметноста и Мостот на револуцијата.
Екипите на ЈП „Улици и патишта“, како што се наведува, изминатите денови работеа на санација на дупки на улица „Никола Парапунов“, булеварите „Илинден“, „Александар Македонски“, „Партизански Одреди“, како и на улиците „Козле“, „Борис Сарафов“, „Перо Наков“, „Ѓорче Петров“ и Качанички пат, каде се употребени 10 тони ладна асфалтна маса.
Од Градот, апелираат до граѓаните, куќните совети и сопствениците на деловните објекти да се придржуваат до законската обврска за чистење на снегот од приодите до нивните објекти.
JП „Комунала хигиена“ апелира општините да ја реализираат нивната обврска за чистење на улиците кои се во надлежност на општините со цел непрекинато собирање на комуналниот смет.
Ново на Сител
-
Завршен митинг на Влен
-
Последен ден за кампања - пораки на кандидатите
-
Парламентарни избори 2024
-
Седница на ДИК за приговори од граѓани за лично избирачко право
-
Производителите на зелка бараат обештетување поради ниската откупна цена
-
Евростат: Невработени во март биле 13,2 милиони лица во Унијата, на Германија до 2035 ќе и фалат 7 милиони работници
-
Преглед на вестите од светот
-
Последен ден од кампањата - Партиите и коалициите со завршни митинзи