Еден загинат во сообраќајка меѓу комбе и автобус на патот Велес - Штип
Тешка сообраќајна несреќа се случи вечерва околу 20:20 часот на магистралниот пат Велес – Штип кај приклучокот за Ново Село при директен судар помеѓу комби и автобус.
Како што информираше Верољуб Додевски од СВР Велес, има еден загинат и повеќе повредени кои со возила на брза помош се пренесуваат во Општата болница во Велес.
На местото на настанот имаат и екипи од противпожарната единица кои ги извлекуваат повредените од автобусот. Полицијата врши увид на местото на настанот.
Во моментот на несреќата 15 патници биле во автобусот кој се движел во правец кон Штип. Неофицијално автобусот имал кратовски регистарски таблички, а патниците оделе на одмор во Бугарија.
Со автобусот директно се судрило товарно комби со скопски ознаки. Загинатиот е возачот на комбито во кое немало други патници. Повредени има десетина лица кои со возила на брза помош се пренесуваат на хируршкото одделение на велешката болница, а помага и противпожарната единица.
Полицијата врши увид и засега не соопштува детали за несреќата која се случила околу 20.20 часот кај село Мамутчево кај клучката за Ново Село на регионалниот пат Велес – Штип. Информации засега нема ни од дежурните лекари во Општата болница Велес.
Ново на Сител
-
Математички непресметливо бодување за идните судии и обвинители
-
Утре истекува рокот 7 кандидати да се пријават во ДИК за шеф на државата
-
Продолжено пријавувањето на дијаспората до утре – Сајтот на ДИК не функционира
-
Се слуша ли гласот на младите внатре во партиите? Знаат ли за дијалогот младите политички опоненти?
-
„Нема пари за плата, а за секој работник има по еден шеф“ – Протест на вработените во Пошта
-
Повеќе од 2200 лица незаконски користеле социјална помош и пензија - Имале возила на нивно име
-
За возрасни има само 50 вакцини против Пертусис, ама сеуште чекаат во МАЛМЕД
-
Училиштата немале оправдана цел зошто донеле правилник како треба учебници да дојдат