Џастин Тимберлејк како трол во анимиран мјузикл

Музичар и актер Џастин Тимберлајк ќе игра во анимиран мјузикл на „Дримворкс“, „Тролови“, инспириран од популарните дански кукли со бушави фризури во разни бои. 

Тимберлејк ќе ја игра куклата Бранко, а негова партнерка во улогата на принцезата Попи ќе биде Ана Кендрик.

Режисер на филмот ќе биде Мајкл Миче, познат по серијалот „Шрек“, а во кината ова остварување ќе пристигне во ноевмри 2016 година.

Куклите тролови со коси во разни бои и со рогови се инспирирани од скандинавскиот фолклор. Тие се изум на данскиот дрводелец Томас Дам, кој ги направил во 1959 година како божиќни подарок за неговата ќерка, по што тие станаа многу популарни во текот на 60 години на минатиот век.