Џамех ја напушти власта во Гамбија и замина во егзил

Поранешниот лидер на западноафиканската држава Гамбија, Јахја Џамех заминал од главниот град Банџул откако избрал егзил по симнувањето од власт, јавија западни медиуми повикувајќи се на очевидци и посредници во преговорите со Џамех.

Авторитарниот лидер презеде власт со пуч во 1994 година и се повлече под притисок на голем број африкански држави кои навлегоа во Гамбија за да го присилат да го признае поразот на декемвриските избори од новиот претседател Адам Бероу.

Лидери на западноафрикански држави му дадоа ултиматум на Џамех веднаш да ја напушти функцијата. Сенегалската аармија во четвртокот навечер објави дека регионални сили на ЕКОВАС навлегле во соседна Гамбија во рамки на операција – Враќање на демократијата.