Две пленарни и комисиски седници во Собранието
Собранието на Република Македонија денеска напладне на 75 пленарна седница ќе ја почне расправата за утврдување на предлог-амандманите од Уставот со што треба да се заокружи процесот за спроведување на Договорот со Грција за решавање на спорот за името.
На дневен ред на оваа седница е и Предлог-одлуката за изменување на Одлуката за испраќање припадници на Армијата на Република Македонија за учество во мировната операција „Одлучна поддршка“ во Авганистан.
Претходно, од 11 часот, Собранието треба да расправа по три точки останати од дневниот ред на 32-та седница: Предлог-закон за изменување и дополнување на законот за минерални суровини; Годишен извештај за работата на Судскиот совет за 2016 година и Годишен извештај за работата на Државниот совет за превенција на детско престапништво и за состојбите во областа на правата на детето и детското престапништво во 2016 година.
Во законодавниот дом седници денеска ќе имаат и две комисии – Комисијата за одбрана и безбедност и Законодавно-правната комисија, кои ќе ја разгледуваат Предлог-одлуката за изменување на Одлуката за испраќање припадници на АРМ за учество во мировната операција „Одлучна поддршка“ во Авганистан.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок