Две кумановки ги нападнале сопрузите, едната од нив го нападнала и синот

Кумановки ги нападнале сопрузите, едната го нападнала и синот, во два одвоени случаи, соопшти денеска Секторот за внатрешни работи Куманово.

-Вчера во 20:30 часот, полициски службеници од СВР Куманово ја лишиле од слобода триесет и петгодишната А.С. од Куманово затоа што физички го нападнала нејзиниот син и со остар предмет се заканувала на нејзиниот сопруг. Таа била приведена во полициска станица и по целосно документирање на случајот против неа ќе следува соодветна пријава, стои во соопштението.

Подоцна во 18.00 часот во СВР Куманово, 38 – годишен маж од Куманово пријавил дека бил физички нападнат од неговата поранешна сопруга Л.Е.

Полицијата презема мерки за расчистување на случајот.