Двајца тинејџери уапсени во врска со убиството на новинарката од Северна Ирска (видео)
Уапсени се двајца тинејџери во врска со убиството на северноирската новинарка Лира МекКи во Лондондери, соопшти полицијата. Двајцата мажи на возраст од 18 и 19 години се задржани во Лондодери согласно антитерористичките закони и се одведени во Белфаст на распит, соопшти локалната полиција.
МекКи (29) беше погодена од куршум додека извесуваше од протест во Лондодери во четвртокот навечер.
Локалната полиција вчера соопшти дека се сомнева оти за тоа е одговорна „Нова ИРА“ (Ирската рапубликанска армија). Помошникот началник на полицијата Марк Хамилтон вчера изјави дека полицијата случајот го третира како „терористички инцидент“.
Во времето на инцидентот, републиканците на полициските возила фрлале запаливи бомби, а во еден момент се чул истрел од огнено оружје. МекКи стоела во близина на полициското возило со други новинари. Надзорните камери ги снимиле нејзините последни моменти во масата народ, а на снимки од мобилни телефони се забележуваат сомнителните напаѓачи.
Полициската служба на Северна Ирска соопшти дека стрелец пукал кон полициските службеници во четвртокот, околу 23 часот. На снимката се гледа маскиран напаѓач како се потпира и се чини дека пука кон полицајците и набљудувачите, па се претпоставува дека таа е убиена од залутан куршум.
Ново на Сител
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба
-
Малолетници фрлиле во височина соученик во тетовско училиште