Државниот секретар Димовски се сретна со високиот претставник на Департментот за одбрана на САД, Купер

Државниот секретар во Министерството за надворешни работи, Виктор Димовски денеска се сретна со заменик-помошникот секретар за одбрана надлежна за Русија, Украина и Евроазија на Соединетите Американски Држави, Лаура Купер.

МНР соопшти дека Димовски информирал за активностите на Република Македонија за реализација на стратешките приоритети за интеграција на земјата во НАТО и ЕУ, со посебен осврт на постигнувањата во реформскиот процес и градењето мостови на добрососедство. Во тој контекст, биле истакнати и имплементацијата на Акцискиот план за членство во НАТО, придонесот на Република Македонија кон регионалната и глобалната безбедност, како и значењето на соработката и поддршката со САД како наш стратешки партнер.

Високиот претставник на Департментот за одбрана на САД, Лаура Купер ја потврди силната поддршка на САД за членство на нашата земја во Алијансата.