Домбровскис: Грција нема време за губење
Заменик претседателот на Европската комисија и еврокомесар за еврото и социјалниот дијалог, Валдис Домбровскис, кој денеска пристигнува во посета на Атина, смета дека грчката Влада нема време за губење и треба да пристапи кон реализација на реформите, договорени од неа со меѓунардните кредитори во рамки на третиот спасувачки пакет финансиска помош за земјата, соопшти весникот њуз.ин.
„Работите се едноставни, од Грција се бара да ги исполни договорените мерки“, истакна еврокомесарот за грчкиот весник „Вима“, пренесува БТА.
Во врска со надворешниот долг на Грција, Домбровскис ја спомена неопходноста од продолжување на грејс периодите и роковите за згаснување, но дополни дека од значење ќе биде да се гарантира дека кредитната програма ќе биде на вистинскиот пат кога ќе настапи моментот за рекапитализација на грчките банки.
Еврокомесарот, кој првпат ја посетува Атина, ќе биде придружен од високи службеници на Европската комисија, одговорни за структурните реформи.
Домбровскис ќе има средби со министрите за финансии и за економија и со премиерот Алексис Ципрас.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје