Додик: Јас сум најпрогонуваниот човек во БиХ
Претседателот на Република Српска Милорад Додик изјави дека го прислушуваат службите за безбедност на БиХ, и дека налогот да се „стави на мерки", е издаден на барање на Јавното обвинителство во Сараево, поради истрага иницирана која е покрената, но дека тој не знае каква.
Додик изјави дека добил известување од судот во Сараево дека против него е преземена мерка прислушување, и вели дека тој е најпрогонуваниот човек во БиХ.
-Тоа не е ништо ново, бидејќи знам дека моите разговори ги следат најмалку десет агенции. Меѓутоа, овде станува збор дека некој суд на БиХ го прислушува претседателот на Република Српска и тоа е проблематично, изјави Додик за „Вечерње новости"
Додик рече дека не знае зошто судот испратил известување за тоа, но претпоставува дека се плашеле да не дознае на друг начин, а тоа ќе се претвори во голем проблем.
-Вака можат да речат - ете, ве информиравме, додаде тој.
Тој вели дека ова веќе не му е проблем и оти помалку се забавува со тоа.
- Не знам зошто ме прислушуваат, кога отворено зборувам дека се залагам за самостојна Република Српска, вели претседателот на Српска.
Додик рече дека започнувањето на истрагата против него не е изненадувачки, бидејќи станала вообичаена практика.
- Секогаш кога некој пишува во „Дневни аваз“ дека Додик е криминалец, обвинител отвора истрага. Јас сум најпрогонуваниот човек во БиХ, вели тој.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера