Директорот на ЦУК Ангелов на терен на патот од Маврови Анови кон Галичник

 Директорот на Центарот за управување со кризи, Стојанче Ангелов, по пријава во ЦУК од постојани жители и претседателот на месната заедница во Галичник, изврши увид на состојбата на со снег завениот пат на потегот од Маврови Анови кон Галичник.

– Од страна на директорот Ангелов и Оперативниот центар во ЦУК, се контактирани надлежните субјекти најбрзо што можат да се ангажираат и да го расчистат патот кон Галичник од сегашните снежни навеви, во случајот Јавното претпријатие за одржување и заштита на магистралните и регионалните патишта, се вели во соопштението до ЦУК.

Од ЦУК, исто така, ги повикуваат граѓаните во села и населби, каде што во зимниот период патиштата се во поголем дел непроодни и  завеани, ако имаат сериозна здравствена или животно загрозувачка ситуција да ги контактираат на бројот 195.