Директорот на церемонијата на отворањето на Игрите во Токио отпуштен поради антисемитски шеги
Директорот на церемонијата на отворање на Летните олимписки игри во Токио, 48-годишниот Кентаро Кобајаши, доби отказ поради зборови искажани во минатото. На Интернет се појави видео-снимка од неговиот говор во 1998 година, по што изби скандал.
Во тоа време, Кобајаши настапи како дел од хумористично дуо. Во својот скеч, тој предложи „да се игра холокаустот“ и започна да расфрла исечени луѓе од хартија, кои претставуваат жртви на геноцид. Ова видео се прошири низ мрежата и предизвика широка дискусија и критика.
-Како што многумина истакнаа, моите коментари беа навистина несоодветни. Жалам и упатувам длабоко извинување, изјави Кобајаши.
Центарот „Симон Визентал“ (организација што го проучува холокаустот и борбата против антисемитизмот) го коментираше инцидентот: „Никој, без оглед на талентот, нема право да ги исмева жртвите на нацистичкиот геноцид“.
Ново на Сител
-
Сашо Мијалков излегува од затвор
-
Вучиќ пристигна во Њујорк заради гласањето на резолуцијата за Сребреница во ОН
-
Путин назначи нов заменик министер за одбрана
-
Гвардиола: Поблиску сум до заминување, отколку до останување во Сити
-
Утре сончево со умерена облачност, попладне со дожд и грмежи
-
Уапсен е врховниот судија Наке Георгиев поради поткуп
-
Откако не му дале пари, со нож се заканил на својот татко дека ќе го убие
-
Сапунот од кокос - благотворен против комарци