Македонија
26. October 2021 - 14:46

Димитриевски: Ги обединуваме сите граѓани, „За наше Куманово“

Независниот кандидат за градоначалник од иницијативата „За наше Куманово“, Максим Димитриевски денеска ги повика кумановци да се обединат и да го поддржат. На 31. октомври, пишува Димитриевски ќе победат граѓаните за модерно, чисто Куманово.

– Граѓанскиот концепт „За наше Куманово“ ги обединува сите. Ова е концепт на слободна мисла, без притисоци, одлуки по сопствено убедување! Концепт на слободни граѓаните. Биди на страна на граѓаните, излези на 31-ви октомври и гласај, за мое, за твое и за наше Куманово, кажа Димитриевски.

Во следниот мандат, тој најави реализација на повеќе од 800 проекти со кои, нагласува, ќе се подобри квалитетот на живот на сите кумановци.

-На 31-ви октомври изборот е едноставен. Во недела победуваат граѓаните и идејата за модерно, чисто и модерно Куманово“, порача независниот кандидат за градоначалник Максим Димитриевски.