Денеска ќе биде погребан Ратко Младиќ

Ратко Младиќ, некогашниот командант на Војската на Република Српска, кој почина во Хаг служејќи казна доживотен затвор за геноцид и воени злосторства, ќе биде погребан денеска на белградските Топчидерски гробишта.

Неговото тело ќе биде изложено во црквата Свети Лука на Видиковац од 7 до 12 часот, кога ќе почне опелото.

Српските медиуми утрово јавуваат дека илјадници граѓани веќе чекаат пред црквата Свети Лука за да му оддадат почит на Младиќ. Граѓаните чекаат во ред за да влезат во црквата во која е изложен ковчегот со телото на Младиќ и продолжуваат да пристигнуваат во просторот околу црквата.

Членот на тимот за организација на погребот, Светозар Андриќ, претходно за агенцијата СРНА изјави дека потоа ќе се формира колона која ќе го испрати Младиќ до Топчидерските гробишта, каде што ќе биде погребан покрај ќерката Ана.

Некогашниот командант на Војската на Република Српска, осуден за воени злосторства и геноцид во Сребреница, почина на 27 август, во 84-та година од животот, во затворската болница во Хаг.

МИА