Демократска партија: ФБИ да изврши истрага дали Трамп е вмешан во хакерските напади врз нас

Четворица водечки конгресмени демократи побараа од ФБИ да истражат дали предизборниот тим на републиканскиот кандидат за Белата куќа, Доналд Трамп, е вмешан во неодамнешните хакерски напади врз компјутерите на Демократската партија. 

Во писмото до директорот на ФБИ Џејмс Коми конгресмените Илајџа Камингс, Џон Кониарс, Елиат Енгал и Бени Томпсан, сакаат да проверат дали тимови на Трамп и Русија ги извршиле кибер нападите, со цел да ги „наместат претседателските избори во САД“. 

Во писмото се наведуваат врските со Русија поврзани со Трамп, преку неговиот поранешен шеф на кампањата Пол Манафорт. 

Тој поднесе отставка по откривањето дека работел за проруска партија во Украина. 

Некои експерти сметаат дека Русија стои зад хакерските напади врз компјутерите на Националниот комитет на Демократската партија, кои доведоа до објавување на илјадници партиски документи.