Дел од Солун ќе биде евакуиран в недела поради деактивирање бомба

Властите во Солун ќе евакуираат 60.000 луѓе од своите домови за да може безбедно да деактивираат неексплодирана бомба од Втората светска војна.

Евакуацијата е планирана за в недела и луѓето кои живеат на два километра од местото каде се наоѓа бомбата ќе бидат оддалечени на околу пет часа.

Бомбата е пронајдена на длабочина од пет метри близу централната железничка станица во западниот дел од градот за време на изведуавње работи на проширување на подземни резервоари на бензиска пумпа.