Дејвис куп: Македонија во група со Бугарија, Албанија и Исланд

Дејвис куп репрезентацијата на Македонија на претстојниот турнир од Третата Европска зона од ова натпреварување е дел од групата А што се игра во Пловдив, а ривали ни се: домаќинот и носител Бугарија, Исланд и Албанија.

Во првото коло Македонија ќе игра против Исланд утре.

Во Пловдив боите на нашата репрезентација ќе ги „бранат“: Горазд Србљак, Димитар Грабул, Стефан Мицов и Ѓорѓи Јанкуловски, а селектор е Чедомир Јовановски.

Во Б групата во Пловдив се: Андора, Кипар, Монако (носител) и Сан марино.

Двете првопласирани репрезентации од групите во сабота ќе играат во финалето и победникот следната година ќе учествува во Втората Евро-африканска зона.

Во исто време во Улцињ се играат мечеви во уште две групи.