Дебарските гимназијалци протестираа, од понеделник почнуваат со настава со физичко присуство
Учениците од Средното општинско училиште „28 Ноември“ во Дебар одржаа протест во дворот на училиштето, во знак на незадоволство од одлуката за онлајн настава.
Пред учениците се обрати директорот Рамадан Имери, кој најави дека и покрај одлуката за онлајн настава, од понеделник во оваа образовна институција ќе се реализира настава со физичко присуство на учениците.
-Драги ученици, како директор на училиштето, по барање на Советот на родители, но и потписите од ваша страна, требаше да се донесе храбра и мудра одлука. Затоа ве информирам дека од понеделник 5 октомври почнуваме со настава со физичко присуство и тоа во две смени, со запазување на сите протоколи, рече Имери.
Според него, во понделеник прва смена настава ќе следат сите ученици од паралелките со настава на македонски и оние од прва година на албански наставен јазик, додека во 12 часот почнува втората смена во која настава ќе следат учениците од втора до четврта година со настава на албански наставен јазик.
Тој потсети дека заедно со колективот ги исполниле сите услови барани од МОН, а потврда за тоа е позитивниот одговор од Државниот инпекторат за образование, но на крај „добивме одговор дека наставата треба да се изведува онлајн“ што е, вели, несветливо ниту за нас ниту за учениците.
Учениците носеа само една парола на која пишуваше „Стоп за онлајн настава. Ковид-19 не може да не спречи да бидеме присутни“.
Во гимназијата во Дебар, заедно со подрачните паралелки во село Могорче, настава на македонски и албански наставен јазик следат 584 ученици, од нив 156 се во прва година.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање