ЦУК: 10 пожари на отворен простор, шест активни и еден под контрола

Вкупно 10 пожари на отворен простор се регистрирани до 12:00 часот. Од нив активни се шест, еден е под контрола, а изгаснати се три.

Како што информира Центарот за управување со кризи (ЦУК), активни се ожарите во „Јасен“ каде гори мешана шума, во Општина Долнени помеѓу селата Лажани и Кошино каде е зафатена ниска вегетација, во Општина Лозово, село Бекирлија каде гори смрека, во Општина Куманово, серло Романовце каде е зафатена ниска вегетација и стрниште, како и во Општина Липково кај село Слупчане каде се зафатени ниска вегетација и борова шума и кај село Лојане кон село Миратовце каде горат ниска вегетација и стрниште.

Под контрола е пожарот во Општина Јегуновце, помеѓу селата Рогачево, Јажинце и Долно Орашје што зафати пасишта и мешана шума.

Според ЦУК, изгаснати се пожарите во Општина Штип на улицата „Вељко Влаховиќ“ бр. 1 (ниска вегетација), Општина Бутел, село Лубанци (ниска вегетација) и Општина Куманово, село Табановце и село Лојане, место викано „Сланишта“ (ниска вегетација и стрниште).

МИА