Црна Гора: И претседателот и премиерот ќе присуствуваат на Генералното собрание на ОН
И претседателот на Црна Гора Јаков Милатовиќ и премиерот Дритан Абазовиќ ќе учествуваат на Генералното собрание на Обединетите нации во Њујорк од 18 до 26 септември.
Досега во оваа земја, при одењето на седницата на Генералното собрание на ОН се практикуваше систем на ротација, односно една година на седницата присуствува претседателот на државата, а следната премиерот.
Минатата година во Њујорк беше Абазовиќ, кој сега е координатор на Министерството за надворешни работи.
Голема делегација ќе оди со претседателот и премиерот на патувањето во САД, истакнува црногорскиот весник „Вијести“.
Во најавата за патувањето на Милатовиќ во Њујорк, неговиот кабинет соопшти дека тој ќе ја предводи црногорската делегација на заседанието на Генералното собрание на ОН и на Самитот за цели за одржлив развој.
„На маргините на овој Самит планирани се бројни средби со високи претставници на други земји, академската заедница и црногорската дијаспора.
Со цел зајакнување на ангажманот и видливоста на Црна Гора во мултилатералниот систем, а преку планираните активности на овогодинешната седница на Генералното собрание на ОН, делегацијата предводена од претседателот на Црна Гора особено внимание ќе посвети на промоцијата на кандидатурата на нашата земја за членство во Советот за безбедност на Обединетите нации во периодот 2026-2027 година“, се вели во соопштението.
Ново на Сител
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни
-
СЗО: Медицинска помош не е влезена во Газа од израелското заземање на преминот Рафа, на 6 мај
-
Словачкото обвинителство побара притвор за напаѓачот на премиерот Фицо, судот за тоа ќе одлучува утре