Чепишевски победи во групата, но без рекорд

По двата одлични настапа во првите две трки на Летната Универзијада во Гвангжу, Јужна Кореја, кога постигнуваше македонски рекорди Горазд Чепишевски денешната трка на 200 метри грбно ја заврши со победа во својата група, но не успеа да постигне рекорд. Тој исплива време 2:08.90 минути, додека негов и македонски рекорд во оваа дисциплина е 2:08.66 минути од Медитеранските игри во Мерсин пред две години.

Чепишевски го освои 24 место во конкуренција на 29 пливачи.

Утре настап ќе има Мартин Стефановски на 50 метри слободно, додека на 11.јули на трката од 10 километри ќе плива и Евгениј Поп-Ацев.