Чавашоглу: На Турција не може да и се закануваат

Шефот на турската дипломатија Мевљут Чавашоглу изјави дека на Турција никој не може да и се заканува.

Неговата изјава уследи по низата реакции од Европска унија за воведување на смртната казна во земјата.

- Ги штитиме вредностите на ЕУ. Претставниците на ЕУ можат да го кажат својот став, но ако со тоа и се закануваат на Турција, тоа е контрапродуктивно, посочи Чавашоглу за телевизијата Хабертурк.

Претставници на ЕУ предупредија дека евентуалното враќање на смртната казна во Турција ќе значи крај на преговорите за членство во Унијата.

Чавашоглу наведе и дека можно е да има смена на некои од турските амбасадори под сомнеж дека се вмешани во обидот за воен удар.

Турскиот министер за надворешнии работи потенцира дека Анкара уште во декември минатата година побрала притворање и екстрадиција на Фетулах Ѓулен.

Чавашоглу зборувајќи за односите со Русија му се заблагодари на претседатлот Владимир Путин за неговата „безусловна“ подршка против пучот.