Царината ги зајакнува контролите со два мобилни скенерa, донација од Германската царина
Царинската управа (ЦУ) ќе се зајакне со уште два подвижни мини скенерa на стока и мал багаж, донација од Царината на Сојузна Република Германија. Тоа, како што велат од ЦУ, ќе придонесе за зајакнување на капацитетите за вршење контрола и сузбивање на криумчарење на разна стока, опојни дроги и прекурзори, како и за подобрување на квалитетот и ефикасноста на инспекциите.
Денеска директорката на ЦУ Славица Кутиров со тимот од управата и заменик-амбасадорот на Сојузна Република Германија, Ото Граф, извршија надзор на опремата која ќе ја користат царинските службеници при контролите на царинските подрачја, но и на целата територија на државата.
-Зајакнувањето на Царинската управа со уште два мобилни скенера ќе овозможи поефикасни контроли на македонската Царина, и ќе помогне да се спречи протокот на недозволена трговија и внес на разна стока во државата, истакна директорката Кутиров.
Заменик-амбасадорот Граф, изрази задоволство што Германија може да придонесе за зајакнување на граничните контроли.
-Сигурни и ефикасни царински контроли се од суштинско значење за безбедно движење на луѓе и стоки. Во таа насока, Германија ги донира овие мобилни скенери. Среќни сме што придонесуваме за обезбедување на ЕУ стандардите во граничните контроли во Република Северна Македонија, потенцира Граф.
Од ЦУ посочуваат дека е значајно што мобилните скенери се лесно преносливи, при што можат да скенираат до 12 возила на час на различни локации.
-Само во две поголеми акции годинава инспекторите од мобилна Царина со помош на мобилни скенери извршија заплена на 62 килограми наркотична дрога, што кажува за придобивките од употребата на овие машини при контролите, истакнуваат од ЦУ.
Ново на Сител
-
Ен-Би-СИ: Жештината е тивок убиец, поголем од поплавите, ураганите, торнадата
-
Трамп го отфрли тврдењето на Нетанјаху дека нема глад во Газа
-
Уапсен србин кај Ѓавато, не застанал на знак на полицијата, па потоа го оставил автомобилот и пробал да побегне
-
ЦУК: 20 пожари на отворен простор, десет активни, пет ставени под контрола и пет изгаснати
-
Чешка и Словенија испраќаат помош за справување со пожарите во Северна Македонија
-
За еден ден ќе почне првичната селекција на лицата кои треба да бидат ангажирани како пожарникари
-
Трамп ѝ даде на Русија нов рок од 10-12 дена за завршување на војната во Украина
-
Скопјанецот Зоран Настевски совлада “бомбаш самоубиец“ на лет од Лутон кон Глазгов | ВИДЕО