Бројот на жртви во вчерашниот напад близу ирачкиот град Хила се искачи на 125

Бројот на загинатите во вчерашниот самоубиствен напад близу ирачкиот град Хила, достигна 125 лица, од кои повеќето се ирански верници, соопштија денеска ирачките власти.

Во нападот се повредени најмалку 95 лица.

Инциднетот се случил кога напаѓач-самоубиец го детонирал експлозивот во својот камион, додека се наоѓал на бензиска станица.

На бензиската станица имало ресторан, во кој иранските верници престојувале при враќање од светиот шиитски град Кербала.

Одговорноста за нападот презеде терористичката групација Исламска држава.