Британската полиција истражува сомнителен пакет во Лондон

Британската полиција соопшти дека ги истражува тврдењата за сомнителен пакет во Сити Лондон и информираше дека поставила кордони во квартот каде бил забележан пакетот.

Полицијата преку Твитер информира дека кордоните се поставени околу црквата „Сент Мери Екс“ и го повика наслението да го избегнува квартот додека тие се справуваат со инцидентот. Полицијата ги повика жителите на блиските згради да се однесуваат според договорената процедура.

Британските медиуми, повикувајќи се на очевидец, информираа дека на местото на настанот е забележан робот за деминирање.