Борел: Се враќаат големите империи од минатото, Русија, Турција и Кина
Високиот претставник за надворешни работи на ЕУ, Жосеп Борел, денеска се обрати пред европските пратеници во пресрет на претстојниот Европски Совет на кој главна тема ќе биде Турција и тензиите со Грција.
Во овој контекст, шефот на европската дипломатија предупреди дека се враќаат „големите империи од минатото“.
-Европа се соочува со ситуација во која големите империи се враќаат, најмалку три од нив, Кина, Русија и Турција, големите империи од минатото се враќаат со пристап кон нивното непосредно соседство, но и глобално и ова претставува нова средина за нас, изјави Борел, додавајќи дека Турција е „еден од овие елементи“.
Дебатата утрово се фокусираше главно на ситуацијата во источниот Медитеран и тензиите помеѓу Турција и Грција.
Борел изјави дека се потребни дополнителни напори за смирување и деескалација во регионот и дека последниот турски потег, повлекувањето на бродот Оруч Реис, е потег во добар правец и влева надеж дека спорот ќе може да се реши преку дијалог.
Високиот претставник изрази надеж дека лидерите на ЕУ ќе успеат да најдат конструктивен пристап со Анкара, но дека многу од тоа ќе зависи од тоа што ќе се случува во наредните денови. Борел предупреди дека Турција во секој случај останува клучен партнер за ЕУ, на пример за миграциските прашања, и побара од лидерите на ЕУ да го имаат тоа на ум.
Ново на Сител
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка
-
Благодатниот оган се спушти во храмот над Светиот гроб во Ерусалим