„Блиц“: Српски бизнисмени ќе ја тужат Хрватска поради загубите од блокадата на границата

Десетици српски бизнисмени планираат да ја дадат Хрватска на суд поради загубите што ги претрпеле од блокирањето на српско-хрватаската граница, а нивните побарувања можат да изнесуваат милиони евра, објави белградскиот весник „Блиц“.

Повеќе од 60 бизнисмени ја известиле Стопанската комора на Србија за проблемите со кои се соочиле за време на шестдневната блокада во Хрватска.

Неименуван претставник на Стопанската комора наведе дека бизнисмените најверојатно ќе ја тужат Хрватска и нејзниот премиер Зоран Милановиќ, кој неодамна објави царинска војна на Србија порадии мигрантската криза.

Тој додаде дека бизнисмените кои ќе тужат ќе бараат отштета воо висина од 60.000 евра.

За време на шестдневната блокада на патот за Хрватска беа запрени повеќе од 600 камиони.