Бетис убедливо ги порази Барди и Леванте

Бетис го победи Леванте со 4:0 во последниот натпревар од шестото коло во Ла Лига. Македонскиот репрезентативец Енис Барди во поразот на „Бенито Виљамарин“ одигра нешто помалку од 60 минути.

 

Бетис против Леванте ја материјализираше сензационалната победа во Мадрид над Реал и се искачи на петтото место на табелата. Од друга страна, тимот за кој настапува Барди го запиша првиот пораз во сезоната.

 

По израмнетото прво полувреме, во кое немаше голови, Бетис го декласира Леванте во вторите 45 минути кога беа постигнати головите.

 

Серијата ја отвори младиот Парагваец Санабрија во 49. минута, потоа следуваа головите на Фабијан Руиз и Серхио Леон, а точка на натпреварот стави Санабрија во 93. минута со својот втор гол.