Бесплатни ехо прегледи на тироидна жлезда во рамки на акцијата „Виолетов караван“ во Струмица
На плоштадот „Гоце Делчев“ во Струмица денеска доктори правеа бесплатни ехо прегледи на тироидна жлезда во рамки на акцијата „Виолетов караван“ на Здружението за борба против рак „Борка - за секој нов ден“.
Акцијата е во рамки на проектот за подигнување на свеста кај граѓаните за тироидните заболувања и тие да научат кои се симптомите и проблемите кои се јавуваат со нарушена работа на тироидната жлезда.
- Многу сме задоволни од интересот на струмичани. За тоа зборуваат и бројките. Од предвидени 100, направени беа 300 ехо прегледи. Нив ги правеа доктори од Институтот за патофизиологија и од Клиниката за ендокринологија од Скопје, изјави Кети Филчева од Струмица, член на Здружението „Борка - за секој нов ден“.
Сомнителните случаи по денешниот ехо преглед се препраќаат на понатамошно истражување, велат организаторите.
Со „Виолетовиот караван“, кој од Струга стигна во Струмица, ќе бидат опфатени и Велес, Куманово, Кичево, Тетово и Скопје.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња