ОН бараат поголема помош за задолжените држави
– Обединетите нации од развиените земји побараа поголема флексибилност во олеснување на растечкиот должнички товар на посиромашните држави, јави ДПА.
-Мислам дека не е потребна многу имагинација за да се разбере дека оваа должничка криза се заканува да се прелее на вкоренетата криза за одржлив развој…, изјави шефот на Програмата за развој на Обединетите нации (УНДП), Ахим Штајнер.
Тој кажа дека постои страв дека погодените земји, особено во Африка и Латинска Америка, повеќе нема да можат да си дозволат трошоци за да се справат со пандемијата на коронавирусот или да ги исполнат развојните и климатски цели.
Во извештајот објавен денеска, наведува ДПА, УНДП идентификуваше 54 земји во развој што имаат сериозен проблем со долгот. Тие претставуваат малку повеќе од три отсто од глобалната економија, но сочинуваат повеќе од 50 отсто од луѓето кои живеат во екстремна сиромаштија.
-Со оглед на глобалната перспектива за низок раст и високи каматни стапки, меѓународната заедница мора итно да ги засили напорите за олеснување на долгот за да се избегне продлабочување на развојната криза“, се наведува во извештајот на УНДП.
Најтешко погодени земји, се наведува во извештајот, се Чад, Замбија и Етиопија, како и Шри Ланка и Пакистан.
Ново на Сител
-
Сончево и ветровито, локално пороен дожд и грмежи кон крајот на денот
-
Силно невреме ја зафати Хрватска | ВИДЕО
-
Скопјани нападнале и ограбиле маж на Камени мост
-
52 годишен скопјанец со пиштол и нож ограбил продавница, при бегање паднал и завршил во болница
-
Кривична пријава за родители од Штип - Ги заклучиле децата во автомобил и отишле во казино
-
Полицаец и германски политичар избодени со нож сред плоштад во Мајнхајм, Германија | ВИДЕО
-
Пад од 1,2 проценти на индустриското производство во април
-
Поскапени поштенските и курирските услуги