Бан Ки-мун: Лидерите на двете кипарски заедници ќе ги активираат преговорите за обединување
Генералниот секретар на ОН Бан Ки-мун вети дека ќе им даде поддршка на лидерите на двете кипарски заедници во решавачката фаза од преговорите за обединување на островот, изјави самиот тој по трилатералната средба со претседателот на Република Кипар, Никос Анастасиадис, и лидерот на непризнатата турската република Северен Кипар, Мустафа Аканџа.
Разговорите се оддржаа вчера во седиштето на ОН, пренесе ТАСС.
Според Бан Ки-мун, средбата била продуктивна и на неа била разгледана актуелната ситуација со преговорите за обединување на Кипар.
-Тие ме информираа дека планираат да ги активираат преговорите по нивното враќање во Кипар. Ги повикувам максимално да ја искористат оваа можност и искрено, без пролонгирање, да ги решат останатите прашања, изјави генералниот секретар на ОН.
Тој соопшти дека лидерите на двете заедници од него побарале поактивно учество во мировниот процес.
-Јас сум подготвен да ги поддржам со се што им е неопходно, вклучувајќи ги и меѓународните аспекти на проблемот. Претстојниот период ќе биде исклучително важен за Кипар. Времето има определено значење. ОН и јас лично ќе направиме се што е можно за да обезбедиме успешен резултат, подвлече Бан Ки-мун.
Тој пред новинарите излезе придружен од Анастасиадис и Аканџа и на крајот од неговата изјава лидерите на двете кипарски заедници си ги стегнаа рацете, забележа ТАСС.
Кипар е поделен на два дела од 1974 година, кога Турција упадна на островот по државниот преврат на приврзаниците на идејата за обединување со Грција.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат