Бајден: Насилството со огнено оружје ја „кине душата на нацијата“
Американскиот претседател Џо Бајден го нарече пукањето во училиште во Нешвил „одвратно“, велејќи дека насилството со огнено оружје ја „кине душата“ на САД.
– Тоа е одвратно. Тоа ја кине душата на нашата нација, рече тој, ја пофали брзата акција на полицијата и повторно го повика Конгресот да го забрани автоматското оружје.
Бајден не одржа посебен говор за случајот, но го спомна на почетокот на конференцијата за женско претприемништво во Белата куќа.
– Повторно дојде време да направиме поголем напредок во регулирањето на огненото оружје, истакна Бајден, а потоа продолжи порасположено со пофалби за отворање на бизниси и жените претприемачи.
Американските медиуми коментираат дека неговите повици за забрана на автоматското оружје имаат мали шанси за реализација бидејќи републиканците, кои го контролираат Претставничкиот дом, се жестоко против, а моќното лоби за оружје НРА води жестока кампања против таквата одлука.
САД ги забранија автоматските пушки од 1994 до 2004 година.
„Њујорк тајмс“ вчера информира дека тешко вооружена жена убила шест лица, вклучувајќи три деца. Таа потоа била убиена од полицијата. Тоа го потврди полицијата на Метро Нешвил во објава на Твитер. Пукањето се случило во училиштето Ковенант.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово