Бабовски: Исплатени близу 17,4 милиони денари за субвенци за откупена пченица од домашно производство
Aгенцијата за финансиска поддршка во земјоделството и руралниот развој денеска на сметките на откупувачите на пченица од домашно производство исплати близу 17,4 милиони денари.
Директорот на АФПЗРР, Николче Бабовски, преку соопштение, појаснува дека станува збор за исплата на субвенциите од дополнителната мерка за директните плаќања за откупена пченица од од домашно производство. Средствата за субвенции за откупувачите на домашното произведено лебно зрно, за сите кои исполнуваат услови за добивање на оваа финансиска поддршка се исплаќаат без селекција и во еден ден.
Агенцијата за финансиска поддршка во земјоделството и руралниот развој, пред неколку дена исплати и 333 милиони денари за предадено млеко, за оризова арпа, како и за градинарски култури предадени во преработувачки капацитети.
Бабовски, посочува дека од стапување на функцијата директор на АФПЗРР до денеска, исплатени се вкупно 319,3 милиони евра. Дел од средствата кои се исплатени се и за стари наследени долгови за неисплатени субвенции од 2012, 2013, 2014, 2015 и 2016-та година.
Агенцијата за финансиска поддршка во земјоделството и руралниот развој, како што се наведува во соопштението, и во наредниот период продолжува со неселективната исплата на средствата за субвенции. Во еден ден, за сите кои исполнуваат услови за добивање на финансиска поддршка се исплаќаат средствата за субвенции.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите