Австрија ги заострува мерките за барателите на азил
Азилантите во Австрија ќе мора да платат по 840 евра и да ги предадат своите паметни телефони, се предвидува во новите мерки кои ги усвои австриската Влада.
Парите ќе бидат наменети за трошоците за нивните барања за азил, а властите ќе ги користат податоците од нивните телефони за да го утврдат начинот на кој дошле во Австрија. Ако се утврди дека претходно влегле во некоја европска земја, би можеле да бидат вратени во неа.
Австрискиот министер за внатрешни работи Херберт Кицкл, од ултрадесничарската Партија на слободата (ФПО), рече дека мерките се воведени за да се „спречат злоупотреби“. За нив наскоро ќе се изјасни и австрискиот Парламент.
Австрија доби повеќе од 150.000 барања за азил. Според новите мерки, бегалците ќе можат да бараат државјанство дури после десет години, а депортациите ќе бидат забрзани.
Ново на Сител
-
Благодатниот оган се спушти во храмот над Светиот гроб во Ерусалим
-
Серафимов: Цената на месото не е зголемена за Велигден
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје