ATП: Ѓоковиќ прв, Мареј повторно втор

Енди Мареј се врати на втората позиција на АТП листата, откако во неделата ја освои титулата на Мастерс турнирот во Рим.

 

Мареј, во Рим, во два сета 6:3, 6:3 го победи Новак Ѓоковиќ и си го обезбеди статусот на втор носител на претстојниот Ролан Гарос, што значи дека со Србинот нема да може да се сретне пред евентуалното финале.

 

Британецот има 8.435 бодови на второто место, додека на првата позиција Ѓоковиќ има комотна предност со 16.550 бодови.

 

Трет на листата е Роџер Федерер (7.105), а потоа следуваат Стан Вавринка (6.110), Рафаел Надал (5.675), Кеи Нишикори (4.470), Жо-Вилфред Цонга (3.355), Томаш Бердих (2.850).

 

Во Топ 10 се случија две промени, Милош Раониќ напредуваше за една позиција и се наоѓа на деветтото место (2.785), а Ришар Гаске од 12-то се искачи на 10-то место (2.725).