АРМ донираше средства за граѓани од социјално ранливите категории

Педесет и осум пакети со облека, обувки и школски прибор, денеска припадниците на АРМ ги донираа во Црвениот крст на Република Македонија, во чест на нивниот празник 18-ти Август – Денот на АРМ, соопштија од Министерството за Одбрана.

- Како и многу пати до сега, припадниците на АРМ ја покажаа хуманоста со донирање на средства за помош на граѓани од социјално ранливите категории, со што покрај нивните редовни обврски и активности од одбранбената сфера, активно се вклучува и во проекти од хуманитарен карактер, се вели во соопштението.